O’Saliven otvorio dušu: Drogirao sam se i pio 6-7 godina

Roni O’Saliven smatra se najboljim igračem snukera svih vremena.

U sportu koji je daleko od popularnosti fudbala ili košarke on je ikona.

Karijeru je počeo još 1992. godine, kad je imao samo 16 godina. Sedmostruki prvak svijeta imao je velikih problema s alkoholom i drogom, kao i depresijom, o kojima je i sam progovorio. 

Oduzeto mu je prvo mjesto na turniru 1998. godine jer je bio pozitivan na marihuanu, a dvije godine nakon toga krenuo je na odvikavanje.

– Izgubio sam šest ili sedam godina pijući alkohol i pušeći travu. Onda sam se još četiri godine suočavao sa stvarima izvan sporta s kojima se nisam nosio baš dobro. Nisam bio fokusiran na igru. Desetak godina nisam trenirao skoro ništa. Pio sam i pušio travu kako bih izdržao dan”, ispričao je O’Saliven za BBC.